किनवट तालुक्यातील जलधारा,येथील महादेव मंदिराचे मठाधिपती ह.भ.प. गुरुवर्य संत सत्यनारायण गणपती खुडे महाराज यांचे आज सकाळी ५.०० सुमारास वैकुंठवाशी गमन झाले.त्यांच्या या निधनामुळे पंचोकोशील वारकरी संप्रदाय परंपरेतील जलधारा व सोनपेठ येथील मठाचे मठाधिपती असल्यामुळे फड परंपरेतील हजारो समुदायावर दु:खाचा डोंगर कोसळला आहे.त्यांच्या पश्चात त्यांच्या एक मुलगा, सून, नातवंड असा परिवार आहे. त्यांच्या पार्थिवावर शनिवार दिनांक ३ आगस्ट रोजी सायंकाळी ४ वाजता महादेव मंदिर जलधारा येथे अंत्यसंस्कार करण्यात येणार आहेत.
